کینیڈا کے جنگلات میں آگ: نیویارک میں دھوئیں کے سبب کئی مقامات بند

کینیڈا کے جنگلات میں آگ لگنے کے باعث دھوئیں سے نیویارک شہر کا آسمان تاریک ہوگیا۔

امریکی میڈیا کے مطابق نیویارک میں چڑیا گھر، پارکس اور گالف کورسز فضائی آلودگی کے باعث بند کردیے گئے جب کہ فضائی آلودگی کے سبب نیویارک میں مختلف تقریبات بھی منسوخ کردی گئیں۔

کینیڈا کے جنگلات میں آگ لگنے سے امریکا میں بھی شدید فضائی آلودگی کا انتباہ جاری

کینیڈا میں 400 سے زیادہ مقامات پر جنگلات میں آگ لگی ہوئی ہے،250 مقامات پر آگ قابو سے باہر ہے

نیویارک کے میئر نے فضائی آلودگی سے بچنے کے لیے شہریوں سے گھروں پر رہنے کی اپیل کی ہے۔

نیو یارک میں ہواکا معیار ریکارڈ بدترین سطح پرپہنچ گیا ہے اور گورنرنیویارک نے فضائی آلودگی کو ہنگامی بحران قرار دے دیا۔

رپورٹس کے مطابق نیویارک کی فضا میں آلودگی جمعرات کی صبح تک جاری رہنےکاامکان ہے۔