08 جون ، 2023 
پاکستان
پشاور سینٹرل جیل سے رہا ہوتے ہی مردان پولیس نے علی محمد خان کو دوبارہ گرفتار کر لیا۔ فوٹو فائل
علی محمد خان پشاور جیل سے رہا ہوتے ہی دوبارہ گرفتار
08 جون ، 2023
سابق وزیر مملکت علی محمد خان کو پشاور جیل سے رہا کرنے کے بعد مردان پولیس نے دوبارہ گرفتار کر لیا۔
پشاور ہائیکورٹ نے تھری ایم پی او میں سابق وزیر مملکت علی محمد خان کی گرفتاری کو کالعدم قرار دیتے ہوئے رہائی کے احکامات جاری کیے تھے جس پر عمل درآمد کرتے ہوئے پشاور سینٹرل جیل کے حکام نے علی محمد کو رہا کر دیا۔
تاہم پشاور سینٹرل جیل سے رہا ہوتے ہی مردان پولیس نے علی محمد خان کو دوبارہ گرفتار کر لیا۔
یاد رہے کہ علی محمد خان کو 9 اور 10 مئی کو ہونے والے جلاؤ گھیراؤ اور توڑ پھوڑ کے کیس میں گرفتار کیا گیا تھا۔
مردان پولیس نے علی محمد خان کی گرفتاری کی تصدیق کرتے ہوئے کہا کہ سابق وزیر مملکت کے خلاف دہشتگردی سمیت توڑ پھوڑ کی ایف آئی آر تھانا سٹی میں درج ہے۔
