کراچی میں میئر اور ڈپٹی میئر کا انتخاب 15 جون کو ہوگا
09 جون ، 2023
کراچی میں میئر اور ڈپٹی میئر کا انتخاب 15 جون کو ہوگا۔
کراچی کے میئر، ڈپٹی میئر، ٹاؤن میونسپل کارپوریشنز میں چیئرمین اور وائس چیئرمین کے انتخابات سے متعلق ریٹرننگ افسران نے پبلک نوٹسز جاری کردیے۔
پبلک نوٹس کے مطابق 9 جون سے 10 جون تک میئر اور ڈپٹی میئر جبکہ ٹاؤن میونسپل کارپوریشنز کے لیے چیئرمین اور وائس چیئرمین کے امیدوار اپنے کاغذات نامزدگی جمع کرائیں گے۔
پبلک نوٹس کے مطابق14 جون کو امیدواروں کی حتمی فہرست جاری کی جائے گی۔
پبلک نوٹس میں کہا گیا ہے کہ میئر،ڈپٹی میئر کراچی اورٹی ایم سی چیئرمین اور وائس چیئرمین کے انتخابات 15 جون کو ہوں گے۔
