بھارت میں سب سے زیادہ جوڑوں کی اجتماعی شادی کا ریکارڈ قائم

بھارت میں سب سے زیادہ جوڑوں کی اجتماعی شادی کا ریکارڈ قائم ہوگیا۔

غیر ملکی میڈیا رپورٹس کے مطابق بھارتی ریاست راجستھان کے ضلع باران میں اجتماعی شادیوں کی تقریب منعقد ہوئی جس میں 2 ہزار 143  پسماندہ جوڑوں کی شادی کرائی گئی۔

مقامی ٹرسٹ کی جانب سے جوڑوں کی اجتماعی شادی کا انتظام کیا گیا جس میں مسلمان اور ہندو جوڑے شامل تھے۔

اجتماعی شادی کی یہ تقریب تقریباً 6 گھنٹے تک چلی جس میں   2 ہزار 143 جوڑے رشتہ ازدواج میں منسلک ہوئے۔

اس اجتماعی شادی کی تقریب نے ایک دن میں سب سے زیادہ جوڑوں کی شادی کا گنیز ورلڈ ریکارڈ قائم کر دیا ہے۔

آبادی پر کنٹرول کا انوکھا حل، بھارت میں نوبیاہتا جوڑوں کو شادی پر منصوبہ بندی کی ادویات کا تحفہ

حکومت کی جانب سے نئے جوڑوں کو میک اپ بکس میں مانع حمل ادویات دی گئیں، اپوزیشن کی جانب سے حکومت کو شدید تنقید کا نشانہ بنایا جارہا ہے

رپورٹس کے مطابق راجستھان کے وزیر اعلیٰ اشوک گہلوت اور کئی عہدیداروں کی جانب سے ہر جوڑے کیلئے نیک خواہشات کا اظہار کیا گیا۔

اس کے علاوہ ٹرسٹ کی جانب سے ہر نو بیاہتا جوڑے کو زیورات، برتن، ٹیلی ویژن، ریفری جریٹر سمیت کئی تحائف دیے گئے۔

حکام نے بتایا کہ اس تقریب کا مقصد پسماندہ جوڑوں کو شادی کرنے میں مدد کرنا تھا۔