وزیراعظم شہباز شریف سے پی سی بی کے عبوری چیئرمین نجم سیٹھی کی ملاقات

وزیراعظم شہباز شریف سے پی سی بی مینجمنٹ کمیٹی کے چیئرمین نجم سیٹھی نے ملاقات کی جس میں کرکٹ کے امور پر تفصیلی گفتگو ہوئی اور نجم سیٹھی نے وزیر اعظم کو پاکستان سپر لیگ سمیت ڈومیسٹک کلینڈر ائیر پر بریفنگ دی۔

نجم سیٹھی نے بریفنگ میں بتایا کہ ڈیپارٹمنٹل کرکٹ 4 سال بعد بحال کردی گئی ہے، بڑی ڈیپارٹمنٹل ٹیمیں ڈومیسٹک کرکٹ کا حصہ بن رہی ہیں۔

ایشیا کپ کے 4 میچز پاکستان اور 9 سری لنکا میں ہوں گے، ایشین کرکٹ کونسل نے اعلان کر دیا

ایشیا کپ میں پاکستان سمیت بھارت، سری لنکا، بنگلادیش، افغانستان اور نیپال کی ٹیمیں حصہ لیں گی۔

اس موقع پر وزیر اعظم نے ایشیاکپ کے ہائبرڈ ماڈل کے تحت پاکستان میں انعقاد پر نجم سیٹھی کو مبارکباد دی اور کہا کہ مزید انٹرنیشنل ایونٹس پاکستان میں لانے کی کوشش کریں، پاکستان میں انٹرنیشنل ایونٹس کے انعقاد کا اب مسئلہ نہیں، اس سے پاکستان کا بہترین امیج دنیا بھر میں اجاگر ہورہا ہے۔

وزیراعظم شہباز شریف کا کہنا تھا کہ  پی ایس ایل بڑی کرکٹ لیگ بن چکی ہے، کرکٹ انفرااسٹرکچر پر توجہ دینے کی ضرورت ہے جس کے لیے مزید کرکٹ میدان بنائے جائیں۔