ملک کے مختلف علاقوں میں آج موسم شدید گرم رہے گا

ملک کے بیشتر علاقوں میں آج موسم گرم اور جنوبی علاقوں میں شدید گرم رہے گا۔

محکمہ موسمیات کے مطابق گزشتہ روز ملک میں سب سے زیادہ درجہ حرارت نوکنڈی میں 47 ڈگری سینٹی گریڈ ریکارڈ کیا گیا۔

پشاور 41، حیدر آباد، ملتان، بہاولپور، ساہیوال، فیصل آباد، سرگودھا اور اٹک میں 40، اسلام آباد 39، لاہور، مظفر آباد 38، کراچی اور کوئٹہ میں36 جب کہ گلگت35، سری نگر 31 اور لیہہ میں 23ڈگری سینٹی گریڈ ریکارڈ کیا گیا۔

 بالائی پنجاب، خیبر پختونخوا اور کشمیر میں آندھی کا امکان

دوسری جانب محکمہ موسمیات  نے خبر دار کیا ہے کہ بالائی پنجاب، خیبر پختونخوا اور کشمیر میں آندھی اور جھکڑ چلنے اور گرج چمک کے ساتھ بارش کا امکان ہے جس سے شہریوں کو محتاط رہنے کی ہدایت کی گئی ہے۔

طوفان بپرجوائے کمزور ہو کر شدید کم دباؤ میں تبدیل

سمندری طوفان بپرجوائے کمزور ہو کر شدید کم دباؤ میں تبدیل ہو چکا ہے  لیکن طوفان ابھی بھی جنوب مشرقی سندھ (تھر پارکر) اور گردونواح میں موجود ہےجو کہ اگلے 12 گھنٹوں میں مز ید کمزور ہو کر ہوا کے کم دباؤ میں تبدیل ہو جائے گا۔ 

ادھر بپر جوائے سمندری طوفان کا خطرہ ٹلتے ہی طوفان کے خطرے کے پیش نظر کیٹی بندر، بدین اور سجاول کے ساحلی علاقوں سے نقل مکانی کرنے والے لوگوں کی گھروں کو واپسی شروع ہوگئی ہے اور متاثرین نے اپنے گھروں کی تعمیر دوبارہ شروع کردی۔

طوفان کا خطرہ ٹل گیا، کیٹی بندر، بدین اور سجاول سے نقل مکانی کرنے والوں کی گھروں کو واپسی شروع

کیٹی بندر میں زندگی معمول پر آنا شروع ہوگئی، جلد ہی ساحل پر ماہیگیروں کو شکار کی اجازت بھی دے دی جائے گی: اسسٹنٹ کمشنر ٹھٹہ

کراچی: سمندری طوفان بپرجوائے کمزورہوکر ڈپریشن بن گیا

بھارتی راجستھان میں ڈپریشن کمزور ہو کر لو پریشر ایریا میں تبدیل ہونے کا امکان ہے: محکمہ موسمیات