سنی دیول کے بیٹے کرن کی شادی کو فلمی ستاروں نے چار چاند لگا دیے

بالی وڈ کے لیجنڈ اداکار دھرمیندرا کے پوتے اور اداکار سنی دیول کے بیٹے کرن دیول شادی کے بندھن میں بندھ گئے۔

بھارتی میڈیا رپورٹس کے مطابق کرن دیول اور دریشا اچاریہ کی شادی ممبئی میں ہوئی جس میں خاندان اور قریبی دوستوں نے شرکت کی۔

کرن دیول کریم رنگ کی شیروانی زیب تن کیے گھوڑے پر روایتی انداز اپنی دلہن لینے پہنچے، بارات میں ان کے دادا دھرمیندرا اور چچا بوبی دیول بھی موجود تھے۔

بعدازاں ممبئی میں استقبالیہ دیا گیا جس میں بھارتی فلم انڈسٹری کی نامور شخصیات نے شرکت کی۔

استقبالیے میں شتروگھن سنہا، پریم چوپڑا، راج ببر، انوپم کھیر، جیکی شروف، عامر خان اور  سلمان خان سمیت کئی شخصیات شریک ہوئیں۔

بیٹے کی شادی: سنی دیول اور دھرمیندرا کے ڈانس کی ویڈیوز وائرل

بھارتی شہر ممبئی میں سنی دیول کے بیٹے کرن دیول کی شادی کی تقریبات جاری ہیں، کرن دیول کی شادی دریشا اچاریہ سے ہورہی ہے۔

گزشتہ روز سنگیت کی تقریب ہوئی تھی جس میں خاندان کے دیگر افرادکے ساتھ ساتھ بالی وڈ ستارے بھی نظر آئے تھے، تقریب میں موسیقی اور رقص کا اہتمام کیا گیا تھا جس میں سب سے زیادہ توجہ سنی دیول اور ان کے والد لیجنڈ اداکار دھرمیندرا نے سمیٹی تھی۔