25 جون ، 2023 
پشاور: سکھ شہری کی ٹارگٹ کلنگ، سی ٹی ڈی نےمتعدد مشتبہ افرادکو حراست میں لےلیا
25 جون ، 2023
پشاور میں سکھ شہری من موہن سنگھ کی ٹارگٹ کلنگ کے معاملے پر کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بیس آپریشن شروع کر دیا۔
سی ٹی ڈی ذرائع کے مطابق من موہن سنگھ کی ٹارگٹ کلنگ کے معاملے پر انٹیلی جنس بیس آپریشن شروع کر دیا گیا ہے،گزشتہ رات گئے کاکشال اور ملحقہ علاقوں میں جیو فینسنگ کی گئی جب کہ واقعے سے متعلق سی ٹی ڈی ٹیم نے عینی شاہدین کے بیانات بھی قلمبندکرلیے۔
سی ٹی ڈی ذرائع کے مطابق جائے وقوعہ سے ملنے والا خول فرانزک کے لیے بھجوایا جائےگا۔
سی ٹی ڈی نے تفتیش کے لیے متعدد مشتبہ افراد کو حراست میں لے لیا ہے۔
ذرائع کے مطابق سی ٹی ڈی ٹیموں نے شہر کی سی سی ٹی وی فوٹیج کا جائزہ لیا ہے، دو روز میں سکھ برادری سے تعلق رکھنے والے دو افراد کو فائرنگ کا نشانہ بنایا گیا، سی ٹی ڈی نے دونوں واقعات کے شواہد اکٹھا کرکے تفتیش جاری رکھی ہے۔
ذرائع نے بتایا کہ واقعات میں استعمال ہونے والے خول کرائم سین یونٹ کے حوالے کردیے گئے۔
