27 جون ، 2023 
پاکستان کی تاریخ میں پہلی بار ایف بی آر کی ریکارڈ محصولات وصولی
27 جون ، 2023
اسلام آباد: وفاقی وزیر خزانہ اسحاق ڈار نے جون میں اب تک جمع ہونے والے محصولات سے متعلق بیان جاری کیا ہے۔
ٹوئٹر پر جاری بیان میں وزیر خزانہ اسحاق ڈار نےکہا کہ پہلی بار فیڈرل بورڈ آف ریونیو (ایف بی آر) نے 26جون تک محصولات کی مد میں7 ہزارارب روپے جمع کرلیے۔
وزیر خزانہ نے بتایا کہ 30 جون تک ایف بی آر کی محصولات میں مزید اضافہ ہوگا۔
آئندہ مالی سال کے بجٹ میں ٹیکس وصولیوں کی حد میں اضافہ
واضح رہےکہ قومی اسمبلی نے آئندہ مالی سال کے لیے 14 ہزار 480 حجم کا بجٹ منظور کرلیا ہے۔
حکومت کی جانب سے بہت سی ترامیم بھی کی گئی ہیں، پیٹرولیم ڈویلپمنٹ لیوی کی حد 50 روپے سے بڑھا کر 60 روپے فی لیٹر کردی گئی ہے، جس کے بعد آئی ایم ایف معاہدے کی ایک اور شرط پوری ہوگئی ہے۔
بجٹ میں ٹیکس وصولیوں کا ہدف 9 ہزار 200 سے بڑھا کر 9 ہزار 415 ارب روپے مقرر کیا گیا ہے، پنشن ادائیگی 761 ارب سے بڑھا کر 801 ارب کردی گئی ہے۔
فنانس بل میں مزید ترمیم کے تحت 215 ارب کے نئے ٹیکس عائدکیےگئے ہیں، بینظیر انکم سپورٹ پروگرام کی رقم 459 ارب روپےکے بجائے 466 ارب روپے کردی گئی ہے۔
مزید خبریں :
روپےکے مقابلے میں ڈالر کی قدر میں اضافہ ہوگیا
6 گھنٹے پہلے
سونے کی قیمت میں اضافے کے بعد دوبارہ کمی ہوگئی
6 گھنٹے پہلے
نیپرا نے کراچی والوں کیلئے بجلی مزید مہنگی کردی
10 گھنٹے پہلے
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
