29 جون ، 2023 
پے درپے شکست کے بعد پاکستان فٹبال ٹیم کی رینکنگ میں مزید تنزلی
29 جون ، 2023
پے درپے شکست کے بعد پاکستان مینز فٹبال ٹیم کی رینکنگ میں مزید تنزلی آگئی۔
پاکستان فٹبال ٹیم فیفا رینکنگ میں ٹاپ 200 سے پھر آؤٹ ہوگئی ہے، تازہ فیفا رینکنگ میں پاکستان فٹبال ٹیم 6 درجہ تنزلی کے بعد 201 ویں پوزیشن پرموجود ہے جب کہ فیفا کی رینکنگ میں کل 211 ممالک کی ٹیمیں موجود ہیں۔
اس سے قبل جاری کی گئی رینکنگ میں پاکستان فٹبال ٹیم 195 ویں پوزیشن پر تھی۔
خیال رہےکہ حالیہ دنوں میں پاکستان فٹبال ٹیم نے ناقص کارکردگی کا مظاہرہ کیا ہے اور اسے ساف کپ میں تمام میچز میں شکست ہوئی تھی۔
ساف فٹبال چیمپئن شپ میں پاکستان کو تین میچز میں 9گول پڑے اور اس کے کھلاڑی ایک گول کرنے میں بھی ناکام رہے، پاکستان کو پہلے میچ میں بھارت، دوسرے میچ میں کویت اور تیسرے اور آخری میچ میں نیپال کے ہاتھوں شکست کا سامنا کرنا پڑا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
