02 جولائی ، 2023 
حج کے دوران دل کو چھو لینے والے مناظر کی ویڈیو وائرل
02 جولائی ، 2023
رواں سال ہونے والے حج میں بڑی تعداد میں حاجیوں نے شرکت کی جو کہ کورونا پابندیوں کے خاتمے کے بعد سب سے زیادہ تھی۔
سوشل میڈیا پر ایک ایسی ویڈیو وائرل ہورہی ہے جس میں حج کے دوران کچھ ایسے مناظر کیمرے میں قید کیے گئے ہیں جو ہر دیکھنے والوں کے دلوں کو چھو رہے ہیں۔
یہ ویڈیو حجاج کرام اور منتظیمن کی ہے جنہیں حج ادا کرنے کیلئے آئے لوگوں کی مدد کرتے دیکھا جاسکتا ہے۔
کہیں انتظامیہ کے نمائندے اپنے کندھوں پر بزرگ افراد کو اٹھائے نظر آرہے ہیں تو کہیں ننھے بچوں کو سنبھال کر ماں باپ کی نماز پڑھنے کو آسان بنا رہے ہیں۔
اس سال کے حج میں موسم کی سختی بھی رہی، جس سے حاجیوں کو بچانے کیلئے بھرپور اقدام کیے گئے۔
اس ویڈیو میں کچھ جھلکیاں ایسی بھی ہیں جہاں گرمی سے بچانے کیلئے حجاج کرام پر پانی کا اسپرے کیا جارہا ہے تو کہیں آب زم زم کی بوتلیں تقسیم کی جارہی ہیں۔
ویڈیو پر سوشل میڈیا صارفین کی جانب سے مختلف تبصروں کا سلسلہ جاری ہے اور انتظامیہ کے رضاکاروں کیلئے نیک تمناؤں کا اظہار کیا جارہا ہے۔
مزید خبریں :
نیٹو چیف نے ڈونلڈ ٹرمپ کو ’ڈیڈی‘ کیوں کہا؟
3 گھنٹے پہلے
اسرائیل کے 'بے قابو' رویے پر خلیجی اتحادیوں کی تشویش
8 گھنٹے پہلے
چین نے ایک منفرد ریکارڈ اپنے نام کرلیا
9 گھنٹے پہلے
