05 جولائی ، 2023 
لاہور میں بارش، وہاب ریاض سوشل میڈیا پر تنقید کی زد میں آگئے
05 جولائی ، 2023
لاہور میں شدید بارشوں کے بعد ہر طرف پانی ہی پانی ہے اور والٹن روڈ پوری طرح پانی میں ڈوب گیا۔
لاہور میں شدید بارش کے بعد ہر طرف پانی کھڑا ہوگیا ہے اور انتظامیہ نکاسی آب کی کوششوں میں مصروف ہے۔
اس کے علاوہ نگران وزیراعلیٰ پنجاب محسن نقوی بھی صورتحال کا جائزہ لینے نکلے ہوئے ہیں۔
وہیں وزیراعلیٰ کے مشیر برائے کھیل وہاب ریاض بارش کے بعد شاہراہوں کے دورے کی ویڈیوز سوشل میڈیا پر وائرل ہیں جس کے باعث انہیں شدید تنقید کا نشانہ بنایا جا رہا ہے۔
سوشل میڈیا پر وائرل ایک ویڈیو میں دیکھا جاسکتا ہے کہ وہاب ریاض اسپیڈ میں گاڑی چلا رہے ہیں جس سے موٹر سائیکل پر جانے والے فیملی اور دیگر پر پانی آرہا ہے۔
قومی کرکٹر کے اس عمل پر سوشل میڈیا صارفین نےسخت ردعمل کا اظہار کیا ہے اور طرح طرح کے تبصرے کرتے ہوئے انہیں موٹر سائیکل سواروں اور دیگر کا خیال رکھنے کی نصیحت کی ہے۔
بعض سوشل میڈیا صارفین نے ان سے استعفیٰ لینے کا مطالبہ کیا ہے۔
وہاب ریاض کی ایک اور ویڈیو بھی وائرل ہے جس میں دیکھا جا سکتا ہے کہ وہ ایک شاہراہ پر لانگ شوز پہن کر پانی میں کھڑے ہیں اور آنے جانے والوں کو دیکھ رہے ہیں جبکہ کیمرہ مین ان کی ویڈیو بنا رہا ہے۔
اس ویڈیو پر بھی وہاب ریاض تنقید کی زد میں ہیں اور سوشل میڈیا صارفین نے شدید تنقید کی ہے۔
