06 جولائی ، 2023 
بعض کھلاڑی کل حارث رؤف کی شادی اور کچھ آفریدی کی بیٹی کی شادی میں شرکت کرینگے
06 جولائی ، 2023
سری لنکا کیخلاف ٹیسٹ سیریز کیلئے لگائے جانے والے قومی کرکٹ ٹیم کے ٹریننگ کیمپ میں پاکستان ٹیم کل صرف ایک سیشن میں پریکٹس کرے گی۔
چوتھے روز صبح نو سے 12 بجے تک کا پریکٹس سیشن ہوگا کیوں کہ پاکستان ٹیم کے کچھ کھلاڑی کل شام حارث رؤف کی شادی کی تقریب میں شرکت کیلئے اسلام آباد جائیں گے جبکہ بعض کھلاڑی کراچی میں سابق کپتان شاہد آفریدی کی بیٹی کی شادی میں شرکت کریں گے۔
اسلام آباد جانے والے کھلاڑی ہفتے کی دوپہر تک واپس کراچی پہنچیں گے، پاکستان ٹیم ہفتے کی رات براستہ دبئی کولمبو روانہ ہوگی۔
خیال رہے کہ سری لنکا کے خلاف ٹیسٹ سیریز میں مقابلے کیلئے پاکستان ٹیم کی ٹریننگ زوروں سے جاری ہے ، کھلاڑیوں کی وکٹوں کے درمیان دوڑنے کی بھی خاص پریکٹس کروائی گئی ، فاسٹ بولر حسن علی نے بھی کیمپ جوائن کر لیا ہے۔
نیشنل اسٹیڈیم میں جاری قومی کرکٹ ٹیم کے کیمپ میں کھلاڑیوں کی بیٹنگ بولنگ اور فیلڈنگ کی بھرپور پریکٹس جاری ہے ، کیمپ میں تیسرے دن تمام 18 کھلاڑی پریکٹس میں شریک ہوئے۔
کوچز نے کھلاڑیوں کی وکٹوں کے درمیان رننگ کو بہتر بنانے کیلئے بھی خاص ٹریننگ کروائی، بابراعظم، محمد رضوان، شاہین آفریدی، شان مسعود، محمد نواز اور سرفراز احمد کے درمیان مقابلہ ہوا۔
محمدرضوان نے سب سے تیز 9.55 سیکنڈز میں راؤنڈ مکمل کیا۔ کیمپ میں کھلاڑیوں نے سیناریو بیس پریکٹس میچ کھیلے۔
پاکستان اور سری لنکا کے درمیان پہلا ٹیسٹ میچ 16 جولائی سے گال میں شروع ہوگا جبکہ دوسرا ٹیسٹ 24 جولائی سے کولمبو میں ہوگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
