12 جولائی ، 2023 
واٹس ایپ کے نئے فیچر لنک ود فون نمبر کو استعمال کرنے کا طریقہ جانیں
12 جولائی ، 2023
واٹس ایپ نے لنک ود فون نمبر نامی فیچر تمام صارفین کے لیے متعارف کرا دیا ہے۔
اس فیچر کو گزشتہ ہفتے بیٹا (beta) ورژن میں پیش کیا گیا تھا اور اب اسے تمام صارفین استعمال کر سکتے ہیں۔
اس فیچر سے واٹس ایپ کے ویب ورژن پر اکاؤنٹ کو استعمال کرنے کے لیے کیو آر کوڈ کو اسکین کرنے کی ضرورت ختم کی جا رہی ہے۔
خیال رہے کہ اب تک میسجنگ ایپ کے ویب ورژن پر لاگ ان ہونے کے لیے کیو آر کوڈ کو اسکین کرنا ضروری ہوتا تھا۔
اس فیچر کا مقصد واٹس ایپ اکاؤنٹ کو ویب ورژن میں استعمال کرنے کا عمل آسان بنانا ہے۔
فیچر کیسے استعمال کریں؟
اس فیچر کے لیے سب سے پہلے تو واٹس ایپ کو ایپ اسٹور یا گوگل پلے اسٹور پر جاکر اپ ڈیٹ کریں۔
اس کے بعد ویب براؤزر پر واٹس ایپ ویب کو اوپن کریں۔
وہاں دائیں جانب کیو آر کوڈ موجود ہوگا جبکہ بائیں جانب نیچے لنک ود فون نمبر کا آپشن ہوگا۔
اس آپشن پر کلک کرنے پر آپ سے فون نمبر پوچھا جائے گا۔
فون نمبر کے اندراج پر ویب پیج پر 8 ہندسوں کا کوڈ لکھا نظر آئے گا۔
اس کے بعد موبائل پر واٹس ایپ اوپن کرکے لنکڈ ڈیوائس کے آپشن میں جائیں۔
ایسا کرنے پر کیو آر کوڈ اسکین کرنے کے لیے کیمرا اوپن ہو جائے گا مگر نیچے لنک ود فون نمبر کا آپشن موجود ہوگا، اس پر کلک کریں۔
اس کے بعد 8 ہندسوں کے کوڈ کا اندراج کرنے پر ویب ورژن پر آپ کا واٹس ایپ اکاؤنٹ اوپن ہو جائے گا۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
