میٹا نے چیٹ جی پی ٹی کے مقابلے میں اپنا اے آئی سسٹم پیش کر دیا

19 جولائی ، 2023

میٹا کا اوپن سورس اے آئی سسٹم عوام کو مفت دستیاب ہوگا / اے پی فوٹو

فیس بک کی سرپرست کمپنی میٹا نے چیٹ جی پی ٹی اور گوگل بارڈ جیسے آرٹی فیشل انٹیلی جنس (اے آئی) چیٹ بوٹس کے مقابلے میں اپنا سسٹم عوام کے لیے پیش کر دیا ہے۔

لارج لینگوئج ماڈل پر مبنی لاما 2 کمرشل اور تحقیقی مقاصد کے لیے مفت دستیاب ہوگا۔

میٹا کی جانب سے اس سسٹم کا اعلان مائیکرو سافٹ کے ایک ایونٹ میں کیا گیا۔

سوشل میڈیا کمپنی نے اے آئی ماڈل کے لیے مائیکرو سافٹ سے شراکت داری بھی کی ہے۔

واضح رہے کہ لارج لینگوئم ماڈلز جنریٹیو اے آئی چیٹ بوٹ جیسے چیٹ جی پی ٹی اور گوگل بارڈ کے لیے استعمال کیے جا رہے ہیں اور مائیکرو سافٹ نے چیٹ جی پی ٹی کی مدد سے بنگ سرچ کو اے آئی ٹیکنالوجی سے لیس کیا تھا۔

یہ بھی پڑھیں

اب اس کمپنی نے میٹا سے بھی شراکت داری کی ہے جس کے تحت ونڈوز اور Azure Ai کے ذریعے صارفین کو لاما 2 تک رسائی فراہم کی جائے گی۔

میٹا کی جانب سے بتایا گیا کہ مفت اور اوپن سورس لارج لینگوئج ماڈل زیادہ محفوظ ہوتے ہیں کیونکہ ماہرین اور ڈویلپرز کی جانب سے ان کو زیادہ جانچا جاتا ہے، جس سے مسائل کی تشخیص اور حل کرنے میں مدد ملتی ہے۔

خیال رہے کہ چیٹ جی پی ٹی یا گوگل بارڈ اوپن سورس اے آئی چیٹ بوٹس نہیں ہیں۔

کوالکوم کمپنی بھی میٹا کے ساتھ مل کر لاما 2 اے آئی کو اسمارٹ فونز اور کمپیوٹرز کا حصہ بنائے گی۔

کوالکوم کی جانب سے جاری بیان میں بتایا گیا کہ ایسا اگلے سال سے ہوگا اور صارفین کو ذہین ورچوئل اسٹنٹس اور کریٹیر ٹولز کی تیاری سمیت بہت کچھ کرنے کا موقع ملے گا۔