27 جولائی ، 2023 
ڈیفنس میں ایم پی اے کے بھائی اور بھتیجے کا قتل، سی سی ٹی وی سامنے آگئی
27 جولائی ، 2023
کراچی: ڈیفنس میں گاڑی پر فائرنگ سے رکن سندھ اسمبلی اسلم ابڑو کے بھائی اور بھتیجے سمیت 3 افراد کی ٹارگٹ کلنگ کے واقعے کی سی سی ٹی وی سامنے آگئی۔
تحقیقاتی حکام نے اکرم ابڑو اور شہریار ابڑو کی ٹارگٹ کلنگ کے واقعے کی اہم سی سی ٹی وی حاصل کرلی ہے۔
حکام کے مطابق ابتدائی طور پر واردات میں موٹر سائیکل اور کار سوار ملزمان ملوث ہونے کا شبہ ہے۔
تحقیقاتی حکام کے مطابق فوٹیج میں موٹر سائیکل پر 2 افراد گاڑی کے گھر سے نکلنے کے بعد سے مشکوک حالت میں قریب نظر آئے جب کہ ویڈیو میں ایک کرولا کار بھی مشکوک انداز میں گاڑی کے پیچھے دیکھا گیا ہے۔
تحقیقاتی حکام کا کہنا ہے کہ اکرم ابڑو سمیت گاڑی میں سوار افراد جیکب آباد جانے کے لیے نکلے تھے جہاں ڈیفنس میں تربیت یافتہ ملزمان نے مہارت سے گاڑی کو گھیر کر حملہ کیا، خصوصی ٹیم فوٹیجز اور شواہد کا جائزہ لے کر تحقیقات آگے بڑھائے گی۔
واضح رہے کہ گزشتہ روز رکن سندھ اسمبلی اسلم ابڑو کے بھائی اکرم ابڑو کی گاڑی پر گھات لگا کر حملہ کیا گیا تھا ، فائرنگ کے واقعے میں باپ بیٹا جاں بحق اور دو افراد زخمی ہوئے تھے۔
مزید خبریں :
لاہور: صلح کیلئے بلائی گئی پنچائت میں جھگڑے سے ایک شخص ہلاک
09 نومبر ، 2024
