پاکستان
04 جنوری ، 2013
04 جنوری ، 2013 
الیکشن کمیشن کی سفارش پرسندھ میں اسلحہ لائسنس کے اجراپرپابندی کافیصلہ
04 جنوری ، 2013
کراچی....الیکشن کمیشن کی سفارش پرسندھ میں اسلحہ لائسنس کے اجراپرپابندی کافیصلہ کر لیا گیا ہے۔ پابندی کانوٹی فکیشن آج جاری کیے جانے کاامکان ہے۔ محکمہ داخلہ سندھ کے ذرائع کے مطابق سندھ میں ممنوعہ اورغیرممنوعہ بورکے لائسنس کے اجرا پر پابندی لگائی جائے گی۔ سندھ سے کمپیوٹرائزڈ اسلحہ لائسنس کا اجراروک بھی دیاگیا ہے اور نوٹیفکیشن کے تحت تمام ڈپٹی کمشنروں کو بھی پابند کیا جائے گا کہ وہ اپنے اضلاع میں اسلحہ لائسنس کا اجرا فوری طور پرروک دیں۔ محکمہ داخلہ سندھ کے ذرائع کے مطابق گزشتہ ساڑھے4 سال کے دوران سندھ میں4 لاکھ سے زائد اسلحہ لائسنس جاری کیے گئے ہیں۔
