ایشین ہاکی چیمپئنز ٹرافی کیلئے پاکستان ٹیم یکم اگست کو بھارت روانہ ہوگی

ایشین ہاکی چیمپئنز ٹرافی کیلئے پاکستان ہاکی اسکواڈ یکم اگست کو بھارت روانہ ہو گا۔

ایشین ہاکی چیمپئنز ٹرافی کے لیے قومی اسکواڈ واہگہ کے راستے بھارت جائے گا اور عمر بھٹہ کی قیادت میں ٹیم براستہ امرتسر چنئی جائے گی۔

پاکستان ہاکی ٹیم کو بھارت جانے کیلئے این او سی مل گیا

اس سے قبل پاکستان ہاکی ٹیم کو بھارت جانے کیلئے این او سی لینے میں دشواری کا سامنا تھا۔

قومی ٹیم کے تین آفیشلز کو ویزوں کا تاحال انتظار ہے، ہیڈکوچ شہناز شیخ کو بھی بروقت ویزہ ملنے میں مشکلات کا سامنا ہے جبکہ محرم کی تعطیلات کے باعث لاہور کے قریبی علاقوں کے کھلاڑی گھروں کو چلے گئے ہیں۔

بھارت روانگی سے قبل ٹیم کا ایک پریکٹس سیشن شیڈول ہے، ایشین چیمپئنز ٹرافی 3 اگست سے 12 اگست تک کھیلی جائے گی جس میں پاکستان کا پہلا میچ 3 اگست کو ملائیشا سے ہوگا جبکہ بھارت سے مقابلہ 9 اگست کو شیڈول ہے۔