01 اگست ، 2023 
اسلام آباد: تمام اسپتالوں کو طبی خدمات کی ریٹ لسٹ لگانے کی ہدایات جاری
01 اگست ، 2023
اسلام آباد ہیلتھ کیئر اتھارٹی نے تمام اسپتالوں کو طبی خدمات کی ریٹ لسٹ لگانے کی ہدایات جاری کردیں۔
اسلام آباد ہیلتھ کیئر اتھارٹی کی جانب سے جاری ہدایات میں کہا گیا ہے کہ تمام اسپتال میڈیکل سروسز کی پرائس لسٹ استقبالیہ پر رکھیں اور لسٹ میں اوپی ڈی میں ڈاکٹروں کے چارجز واضح کریں۔
ہدایات میں مزید کہا گیا ہے کہ آئی سی یو اور وینٹی لیٹر کے چارجز بھی لسٹ میں نمایاں کیے جائیں جب کہ ہر طرح کے ٹیسٹ اور اسکین کے نرخ بھی لسٹ میں واضح لکھیں۔
اسلام آباد ہیلتھ کیئر اتھارٹی نے لیبارٹریز اور ڈائیگنوسٹک سینٹرز کو بھی نرخ لگانے کی ہدایت جاری کی ہے جس میں اسپتالوں اور لیبارٹریز کو طبی خدمات کے نرخ 5 دن میں اتھارٹی کوبھیجنےکا کہا گیا ہے۔
اسلام آباد ہیلتھ کیئر اتھارٹی کی جانب سے ریٹ لسٹ لگانے کی ہدایات مریضوں اور اہل خانہ کی آسانی کو مد نظر رکھتے ہوئے جاری کی گئی ہیں۔
حکام کا کہنا ہے کہ طبی خدمات کےنرخ معلوم نہ ہونے سےمریضوں اوراہلخانہ کومالی مشکلات پیش آرہی ہیں، طبی خدمات کی پرائس لسٹ ملنے کے بعد فیصلہ کریں گے کہ اوورچارجنگ ہورہی ہے یا نہیں۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
