آفیشل سیکرٹ ایکٹ ترمیمی بل آئین سے متصادم ہے واپس لیا جائے: پاکستان بار کونسل

پاکستان بار کونسل کی جانب سے آفیشل سیکرٹ ایکٹ میں ترمیم کی شدید مذمت کی گئی  ہے۔

 ایک بیان میں پاکستان بار کونسل نے کہا کہ وفاقی حکومت فوری طورپرآفیشل سیکرٹ ایکٹ ترمیمی بل واپس لے، اس بل سے خفیہ اداروں کوکسی بھی شہری کوحراست میں لینے کی کھلی چھوٹ دے دی گئی، ترمیم سے خفیہ اداروں کو سرچ وارنٹ کے بغیرکسی بھی شہری یاجگہ کی تلاشی کی چھوٹ دی گئی ہے۔

آخری ایام میں حکومت کی تیزی، بلز کی بھرمار پر حکومتی ارکان بھی برہم، رضا ربانی نے کاپیاں پھاڑ دیں

قومی اسمبلی سے مزید 13 اور سینیٹ سے 8 قوانین منظور، اکثر بلز سے ارکان کو لاعلم رکھا گیا، سینیٹ میں آفیشل سیکرٹ ایکٹ ترمیمی بل پیش ہونے پر اپوزیشن کے ساتھ حکومتی اتحادی بھی برہم

بیان میں مزید کہا گیا ہے کہ  آفیشل سیکرٹ ایکٹ میں ترمیم آئین پاکستان سے بھی متصادم ہے، توقع ہے کہ سینیٹ کی قائمہ کمیٹی مجوزہ ترمیم کو مسترد کردے گی۔

خیال رہے کہ گزشتہ روز سینیٹ میں آفیشل سیکرٹ ایکٹ ترمیمی بل پیش کیا گیا تو اپوزیشن کے ساتھ حکومتی اتحادی بھی برہم ہوگئے، پیپلز پارٹی کے رضا ربانی نے کئی بلوں کی کاپیاں پھاڑ دیں۔

اعتزاز احسن نے چیف جسٹس سے آفیشل سیکرٹ ایکٹ میں ترمیم پر ازخودنوٹس کی استدعا کردی

چیف جسٹس اپنی صوابدید پر ازخود نوٹس نہیں لے سکتا اس پر اعتزاز احسن نے تجویز دی کہ آپ اپنے باقی ججزسے مشاورت کرلیں

سینیٹ میں آفیشل سیکرٹ ایکٹ ترمیمی بل پیش کیا گیا تو ایوان میں نو نو کے نعرے لگے ۔ پی ٹی آئی ، جماعت اسلامی ، ایم کیو ایم ، نیشنل پارٹی ، پی کے میپ بشمول پیپلز پارٹی کے رضا ربانی ، مسلم لیگ ن کے ڈاکٹر افنان اللہ سمیت سینیٹرز نے بل کے خلاف احتجاج کیا۔ چیئرمین سینیٹ نے ارکان کے احتجاج پر بل قائمہ کمیٹی کے سپرد کر دیا  ہے تاہم قومی اسمبلی سے یہ بل پاس ہوچکا ہے۔