08 اگست ، 2023 
گرل فرینڈ کی خودکشی پر دل برداشتہ نوجوان نے بھی خودکشی کرلی
08 اگست ، 2023
بھارتی ریاست اترپردیش میں گرل فرینڈ کی خودکشی پر دل برداشتہ نوجوان نے خود کو بھی پھندا لگا لیا۔
بھارتی میڈیا کے مطابق افسوسناک واقعہ اترپردیش کے گاؤں گوٹھوان میں پیش آیا جہاں 17 سالہ نوجوان نے اپنی گرل فرینڈ کی خودکشی کے بعد پھندا لگا کر اپنی بھی جان لے لی۔
بھارتی پولیس کے مطابق 17 سالہ نوجوان کی شناخت ہریتھک رام سے ہوئی ہے جس نے گزشتہ روز اپنی خالہ کے گھر میں خود کو پھندا لگایا۔
میڈیا رپورٹ میں بتایا گیا ہے کہ نوجوان کی خودکشی کرنے کے وقت گھر میں کوئی بھی موجود نہیں تھا اور جب گھر والے واپس آئے تو انہوں نے ہریتھک رام کی لاش لٹکی ہوئی پائی جس پر پولیس کو اطلاع کی گئی۔
پولیس کے مطابق ہریتھک رام کا تعلق ایٹورا گاؤں سے ہے اور وہ ایک ہفتہ قبل اپنی خالہ کے گھر رہنے کیلئے آیا تھا۔
پولیس کا کہنا ہے کہ ہریتھک رام کی گرل فرینڈ نے 27 جولائی کو خودکشی کی تھی۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
