’مجھے باہر نکالو، جیل میں نہیں رہنا چاہتا‘: عمران خان کی وکلا سے گفتگو

سابق وزیراعظم اور پاکستان تحریک انصاف (پی ٹی آئی) کے چیئرمین عمران خان جیل میں رہنے پرپریشان اورناخوش ہیں۔

جیل ذرائع کے مطابق عمران خان نے وکلا سے میٹنگ میں کہا کہ مجھے باہر نکالو، جیل میں نہیں رہنا چاہتا۔

جیل ذرائع کا کہنا ہے کہ عمران خان جیل میں رہنے پرپریشان اورناخوش ہیں۔

جیل ذرائع نے بتایاکہ چیئرمین پی ٹی آئی کی سوشل میڈیا پرپھیلائی گئی مختلف ویڈیوز جعلی ہیں۔

اسلام آباد ہائیکورٹ نے تین وکلا کو عمران خان سے جیل میں ملاقات کی اجازت دے دی

ہائیکورٹ نے عمران خان کی اٹک جیل سے اڈیالہ منتقلی اور سہولیات فراہمی کی درخواست پر رجسٹرار آفس کے اعتراضات ختم کردیے

خیال رہے کہ 5 اگست کو ایڈیشنل سیشن جج ہمایوں دلاور نے توشہ خانہ کیس میں چیئرمین پاکستان تحریک انصاف عمران خان کو 3 سال قید اور ایک لاکھ روپے جرمانے کی سزا سنائی تھی۔

عدالت کی جانب سے سزا سنائے جانے کے بعد پولیس نے عمران خان کو لاہور میں ان کی رہائش گاہ سے گرفتار کر کے اٹک جیل منتقل کیا تھا اور وہ وہاں سزا کاٹ رہے ہیں۔