لال حویلی کے باہر سے تجاوزات ہٹادی گئی ہیں : ضلعی انتظامیہ/فوٹوفائل
راولپنڈی کی ضلعی انتظامیہ کی جانب سے عوامی مسلم لیگ کے سربراہ شیخ رشید کی رہائش گاہ لال حویلی کے باہر تجاوزات کے خلاف آپریشن کیا گیا۔
راولپنڈی کی ضلعی انتظامیہ کے مطابق لال حویلی کے باہر سے تجاوزات ہٹادی گئی ہیں، تجاوزات کے خلاف آپریشن میں میونسپل کارپوریشن سمیت راولپنڈی پولیس کے اہلکاروں نے حصہ لیا۔
دوسری جانب شیخ رشید کی جانب سے 13اگست کی رات آتش بازی کا اعلان کیا گیا ہے جبکہ ذرائع کا بتانا ہے کہ ضلعی انتظامیہ نے لال حویلی کے باہر آتش بازی کی تاحال اجازت نہیں دی ہے۔
واضح رہے کہ فروری میں لال حویلی کے سیل کیے گئے یونٹس میں سے ایک یونٹ کو متروکہ وقف املاک نے ڈی سیل کر دیا تھا۔
13 اگست ، 2023 
