الیکشن کمیشن کا زرعی اراضی پر ہاؤسنگ سوسائٹیوں کے قیام پر پنجاب حکومت کو خط

لاہور: الیکشن کمیشن نے نئی ہاؤسنگ سوسائٹیوں کی تعمیر کیلئے زرعی  اراضی کی قربانی پر نگران وزیر اعلیٰ پنجاب کو  خط لکھ دیا۔

الیکشن کمیشن نے  نگران وزیراعلیٰ پنجاب  محسن نقوی کو خط لکھا جس میں کہا گیا ہے کہ گرین علاقوں پرسمجھوتہ کرکے زرعی اراضی قربان کی جارہی ہے۔

خط کے متن  کے مطابق  ڈپٹی کمشنرز ہاؤسنگ سوسائٹیوں کے لیے این او سی جاری کررہے ہیں، اس اقدام سے رہائشی علاقوں میں بے تحاشا اضافہ ہوگا لہٰذا نئی ہاؤسنگ سوسائٹیوں کے لیے این او سیز کا اجرا فوری روکاجائے۔

 خط میں مزید کہا گیا ہے کہ ہاؤسنگ سوسائٹیوں کے نئے این او سیز سےکرپشن کو نظر انداز نہیں کیاجاسکتا، امید ہے نگراں حکومت  اپنے مینڈیٹ کےمطابق کام کرےگی۔