27 اگست ، 2023 
شاہین کا خوف، روہت شرما نے اسپیشل ٹریننگ شروع کردی
27 اگست ، 2023
بھارتی کرکٹ ٹیم کے کپتان روہت شرما نے قومی ٹیم کے فاسٹ بولر شاہین شاہ آفریدی کا سامنا کرنے کے لیے پریکٹس شروع کر دی۔
بھارتی میڈیا کے مطابق روہت شرما نے نیٹ پر لیفٹ آرم پیسرز کا سامنا کیا، شاہین کے سامنے کی تیاری کیلئے پیسر انیکیت چوہدری کو انڈین ٹیم کے نیٹ پر بلایا گیا۔
روہت شرما انٹرنیشنل کرکٹ میں شاہین شاہ آفریدی کے خلاف پریشانی کا شکار رہے ہیں، روہت 2021 کے ٹی ٹوئنٹی ورلڈ کپ میں گولڈن ڈک ہوئے، 2022 میں شاہین کی پانچ گیندوں پر چار رنز بنائے جبکہ 2018 کے ایشیا کپ میں روہت نے شاپین کی 18 گیندوں پر 19 رنز بنائے تھے۔
میڈیا رپورٹس کے مطابق بھارتی بیٹرز پاور پلے میں پاکستانی بولرز کو کھیلنے پر بھی فوکس کر رہے ہیں، ویرات کوہلی نے ایشیا کپ کے لیے لگائے گئے کیمپ میں اسپنرز کا سامنا کرنے کی تیاری کی۔
خیال رہے کہ ایشیا کپ پاکستان کی میزبانی میں 30 اگست سے شروع ہو رہا ہے، افتتاحی میچ پاکستان اور نیپال کے درمیان ملتان کرکٹ اسٹیڈیم میں ہو گا جبکہ پاکستان اور بھارت کے درمیان میچ دو ستمبر کو ہو گا۔ دونوں ٹیموں کے درمیان سپر فور میں بھی مقابلے کا امکان ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
