28 اگست ، 2023 
خاتون فٹبالر کا بوسہ لینے والے ہسپانوی فیڈریشن کے صدر کی والدہ نے بھوک ہڑتال کردی
28 اگست ، 2023
خاتون فٹبالر کا بوسہ لینے کے معاملے میں فیفا کی جانب سے معطل کیے جانے والے ہسپانوی فٹبال فیڈریشن کے صدر لوئس روبیالس کی والدہ ان کی حمایت میں سامنے آگئی ہیں اور انہوں نے بھوک ہڑتال شروع کردی ہے۔
ہسپانوی پروسیکیوٹرز نے روبیالس کیخلاف جنسی حملے کے الزام میں تحقیقات کا آغاز کردیا ہے جس میں معاملے کا مختلف پہلوؤں سے جائزہ لیا جائے گا۔
تحقیقات شروع ہوتے ہی ہسپانوی فٹ بال فیڈریشن کے صدر لوئس روبیالس کی والدہ بھوک ہڑتال پربیٹھ گئیں۔
ہسپانوی میڈیا کے مطابق صدر اسپینش فٹبال فیڈریشن کی والدہ اینجلس بیجر نے خود کو ایک چرچ میں بند کرلیا ہے، ان کا مؤقف ہے کہ ’میرے بیٹے سے غیر انسانی رویہ اختیار کیا جارہا ہے۔‘
خیال رہے کہ فیفا ویمنز ورلڈ کپ جیتنے کے بعد جشن کے دوران صدر اسپینش فٹبال فیڈریشن روبیالس نے ویمن فٹبالر جینی ہرموسو کا بوسہ لے لیا تھا جس پر کافی تنقید کی گئی تھی۔
میچ کے بعد اپنی انسٹاگرام پوسٹ میں فٹبالر جینی ہرموسو کا کہنا تھا کہ بوسہ لینے سے قبل ان سے اجازت نہیں لی گئی اور انہیں یہ اچھا نہیں لگا۔
روبیالس نے عہدے استعفیٰ دینے سے انکار کردیا تھا جس کے بعد فیفا نے انہیں معطل کر دیا تھا۔
مزید خبریں :
آئی سی سی نے ٹیسٹ پلیئرزکی رینکنگ جاری کردی
3 گھنٹے پہلے
پاکستانی ٹیسٹ کرکٹر ظفرگوہر کا انگلش کاؤنٹی مڈل سکس سے معاہدہ
05 نومبر ، 2024
نعمان علی آئی سی سی پلیئر آف دی منتھ کیلئے نامزد
05 نومبر ، 2024
