01 ستمبر ، 2023 
نگران حکومت نے پیٹرول پر لیوی سے متعلق آئی ایم ایف کی شرط پوری کر دی
01 ستمبر ، 2023
نگران حکومت نے پیٹرولیم مصنوعات میں اضافے کے بعد لیوی سے متعلق آئی ایم ایف کی شرط پوری کر دی۔
ذرائع کے مطابق فی لیٹر پیٹرول پر لیوی کی فل شرح عائد کر دی گئی ہے جس کے بعد فی لیٹر پیٹرول پر 60 روپے لیوی عائد ہوگئی ہے۔
ذرائع وزارت خزانہ کے مطابق ڈیزل پر بھی 50 روپے لیوی عائد ہے جبکہ دونوں مصنوعات پر لیوی 60 روپے فی لٹیر تک بڑھانے کا خدشہ ہے۔
ذرائع وزارت خزانہ کا کہناہے کہ بجٹ میں لیوی بڑھانے کی منظوری دی گئی تھی، 60 روپے سے زیادہ لیوی عائد کرنے کے لیے پارلیمنٹ سے منظوری لازمی ہے۔
واضح رہے کہ اس سے قبل نگران حکومت کی جانب سے پیٹرولیم مصنوعات کی قیمتوں میں بڑا اضافہ کردیا گیا ہے۔
وزارت خزانہ نے پیٹرولیم مصنوعات کی قیمتوں میں اضافے کا نوٹیفکیشن جاری کر دیا جس کے مطابق پیٹرول کی قیمت میں 14 روپے 91 پیسے فی لیٹر جبکہ ڈیزل کی قیمت میں 18 روپے 44 پیسے فی لیٹر اضافہ کیا گیا ہے۔
نوٹیفکیشن کے مطابق پیٹرول کی نئی قیمت 305 روپے 36 پیسے فی لیٹر جبکہ ڈیزل کی نئی قیمت 311 روپے 84 پیسے فی لیٹر مقرر ہوگئی ہے۔
پاکستان کی تاریخ میں پہلی بار فی لیٹر پیٹرول اور ڈیزل کی قیمت 300 روپے سے اوپر چلی گئی ہے۔
مزید خبریں :
حکومت نے پیٹرول کی قیمت میں اضافہ کردیا
7 گھنٹے پہلے
انٹر بینک میں ڈالر کی قدر میں اضافہ
31 اکتوبر ، 2024
ملک بھر میں سونے کی قیمت میں معمولی کمی
31 اکتوبر ، 2024
آئی ایم ایف سے طے پانے والا میکرو اکنامک مالیاتی فریم ورک ناکام
31 اکتوبر ، 2024
ملک میں سونے کی قیمت بلند ترین سطح پر پہنچ گئی
30 اکتوبر ، 2024
ڈالر کی قیمت میں اضافہ ہوگیا
30 اکتوبر ، 2024
