03 ستمبر ، 2023 
سندھ کی نگران حکومت نے سرکاری زمینوں کی بندر بانٹ کی تفصیلات طلب کرلیں
03 ستمبر ، 2023
سندھ کی نگران حکومت نے پابندی کے باوجود قیمتی سرکاری زمینوں کی بندر بانٹ کی تفصیلات طلب کرلیں۔
سیکرٹری لینڈ یوٹیلائزیشن سندھ نے خط لکھ کر 14 مختیار کاروں سے دو روز میں تفصیلات طلب کیں۔
ضلع شرقی، ملیر، کورنگی، غربی، کیماڑی میں الاٹمنٹ اور ریگولرائزیشن کا ریکارڈ طلب کیا گیا ہت۔
اس سے قبل محکمے نے 28 اگست کو تفصیلات طلب کیں لیکن تمام مختیار کارحقائق اور ریکارڈ فراہم کرنے میں ناکام رہے۔
خط میں کہا گیا ہے کہ پابندی کے باوجود قیمتی سرکاری زمین کی تقسیم قومی مفادات کی خلاف ورزی ہے اور انتباہ ہے کہ دو روز میں تفصیلات فراہم کریں۔
خط میں تفصیلات فراہم کرنے میں ناکامی پر قانون کے مطابق سخت کاروائی کا عندیہ دیا گیا ہے۔
خیال رہے کہ گزشتہ روز سندھ ہائیکورٹ نے 8 مختیار کاروں کی معطلی کا نوٹیفکیشن معطل کیا تھا۔
