ڈالر کی اسمگلنگ، ذخیرہ اندوزی اور منظم جرائم کے کارٹلز کیخلاف کریک ڈاؤن شروع

حکومت نے ڈالر کی اسمگلنگ، ذخیرہ اندوزی اور منظم جرائم کے کارٹلزکے خلاف کریک ڈاؤن شروع کردیا۔

حکومت نے ڈالرز کی اسمگلنگ کرنے والوں کے خلاف گھیرا تنگ کرلیا اور ذخیرہ اندوزوں اور جرائم میں ملوث افراد کو بھی نہیں چھوڑا جائے گا۔

وزارت داخلہ کے مطابق ڈالر کی اسمگلنگ، ذخیرہ اندوزی اور منظم جرائم کے کارٹلز کے خلاف کریک ڈاؤن شروع کردیا گیا ہے اور فہرستیں تیار کرلی گئی ہیں۔

سرکاری اہلکاروں کے سہولت کاروں اور سرپرستوں کی نشاندہی کر لی گئی ہے۔

اوپن مارکیٹ میں امریکی ڈالر مزید 7 روپے سستا

گزشتہ روز اوپن مارکیٹ میں ڈالر 5 روپے سستا ہونے کے بعد 323 روپے پر بند ہوا تھا

وزارت داخلہ کا کہنا ہے کہ سامان اور کرنسی کی غیر قانونی نقل و حرکت کی اجازت نہیں ہوگی، اجناس اورکرنسی کے کاروبار کو تبدیل کیا جائے گا جبکہ زمینی، سمندری اور ہوائی اڈوں پر نگرانی کا نظام بھی اپ گریڈ ہوگا۔

نگران وفاقی وزیر داخلہ سرفراز بگٹی کا کہنا ہے کہ ایف سی نے چینی افغانستان اسمگل کرنےکی کوشش ناکام بنا دی ہے۔

دوسری جانب ملک میں روپے کے مقابلے میں ڈالر کی قیمت میں کمی کا سلسلہ جاری ہے۔ آج بھی اوپن مارکیٹ میں ڈالر 7 روپے سستا ہوکر 316 روپے کا ہوگیا۔

انٹربینک میں بھی ڈالر 12 پیسے سستا ہوگیا اور کاروبار کے اختتام پر ڈالر 306 روپے 98 پیسے پربند ہوا۔