07 ستمبر ، 2023 
پہلے لوگ ڈالر خریدنے اب بیچنے کیلئے آ رہے ہیں لیکن کوئی خریدنے والا نہیں: بوستان ملک
07 ستمبر ، 2023
چیئرمین فارن ایکسچینج ایسوسی ایشن ملک بوستان نے کہا ہے کہ پہلے لوگ ڈالر خریدنے کیلئے آتے تھے۔ اب دو دن سے ڈالر بیچنے کیلئے آ رہے ہیں لیکن کوئی خریدنے والا نہیں ہے۔
جیو نیوز کے پروگرام آج شاہزیب خانزادہ کے ساتھ میں بات چیت کرتے ہوئے انہوں نے کہا کہ ڈالر کی بلیک مارکیٹ کرنے والے اور سٹے باز انڈر گراؤنڈ ہو گئے ہیں۔
انکا کہنا تھا کہ ایکسچینج کمپنیوں سے متعلق اسٹیٹ بینک کے اقدامات درست ہیں۔
پروگرام میں بات چیت کرتے ہوئے ماہر معیشت خرم شہزاد کا کہنا تھا کہ اسٹیٹ بینک نے جو قدم آج لیا ہے یہ بہت پہلے لینا تھا۔
واضح رہے کہ ملک میں تین روز کے دوران اوپن مارکیٹ میں ڈالر 17 روپے سستا ہوا ہے۔
گزشتہ روز اوپن مارکیٹ میں ڈالر 312 روپے پر بند ہوا ہے،جبکہ دو روز قبل اوپن مارکیٹ میں ڈالر 5 روپے سستا ہونے کے بعد 323 روپے پر بند ہوا تھااور تین روز قبل اوپن مارکیٹ میں ڈالر 329 روپے کا تھا۔
مزید خبریں :
پاکستانی روپےکے مقابلے میں ڈالر کی قدر میں اضافہ
2 گھنٹے پہلے
پاکستانی روپے کی شرح تبادلہ میں اضافہ ریکارڈ
19 نومبر ، 2024
عالمی منڈی میں خام تیل کی قیمتوں میں 3 فیصد تک اضافہ
19 نومبر ، 2024
انٹربینک میں ڈالر مہنگا ہوگیا
18 نومبر ، 2024
