12 ستمبر ، 2023 
پی آئی اے میں فنڈز کی شدید قلت، فلائٹ آپریشن متاثر، ملازمین کی تنخواہیں رک گئیں
12 ستمبر ، 2023
کراچی: پاکستان انٹرنیشنل ائیرلائنز (پی آئی اے) کو فنڈز کی شدید قلت کا سامنا ہے جس سے فلائٹ آپریشن متاثر ہورہا ہے۔
ذرائع کے مطابق پی آئی اے کو پاکستان اسٹیٹ آئل (پی ایس او) سے طیاروں کے لیے ایندھن ملنے میں مشکلات کا سامنا ہےجب کہ فنڈز کی قلت کے باعث کراچی سے فیصل آباد، اسلام آباد اور لاہور کی دو طرفہ پروازیں منسوخ کردی گئی ہیں۔
ذرائع کا بتانا ہےکہ کراچی سے تربت، بہاولپور اور سکھر کی پروازیں بھی منسوخ کردی گئی ہیں جب کہ کراچی سے بیرون ملک جانے والی مسقط کی بھی دو طرفہ پروازیں منسوخ کردی گئیں۔
ذرائع نے مزید بتایا کہ فنڈز کی قلت سے پی آئی اے کے تمام ملازمین کو تنخواہوں کی ادائیگی بھی نہ ہوسکی جس کیلئے پی آئی اے نے حکومت سے فنڈز کی فوری فراہمی کی درخواست کی ہے۔
ترجمان پی آئی اے کے مطابق انتظامیہ وزارت خزانہ سے بھی رابطے میں ہے اور فنڈز ملتے ہی ملازمین کی تنخواہیں ادا کردی جائیں گی۔
مزید خبریں :
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
