12 ستمبر ، 2023 
ایشیا کپ: پاکستان اور سری لنکا کا میچ سیمی فائنل کی حیثیت اختیار کرگیا
12 ستمبر ، 2023
ایشیا کپ سپر 4 کے میچ میں سری لنکا کے خلاف بھارت کی فتح نے ایونٹ میں پاکستان اور سری لنکا کے درمیان جمعرات کو شیڈولڈ میچ کو سیمی فائنل کی حیثیت دلا دی ہے۔
منگل کو بھارت کی فتح نے پاکستان کے لیےکیلکولیشن آسان بنادی ہے اور اسے اب رن ریٹ کی فکرکیے بغیر بس سری لنکا سے میچ جیتنا ہے۔
ایشیا کپ سپر فور مرحلے میں اس وقت بھارت دونوں میچز جیت کر 4 پوائنٹس حاصل کرچکا ہے، پاکستان اور سری لنکا کو دو دو میچز میں سے ایک میں شکست ہوئی اور دونوں ہی کے دو دو پوائنٹس ہیں۔
جمعرات کو پاکستان اور سری لنکا کی ٹیمیں سپر فور مرحلے کے میچ میں مدمقابل آئیں گی اور اس میچ کی فاتح ٹیم ایشیا کپ کے فائنل کے لیےکوالیفائی کرجائےگی۔
لیکن پاکستانی فینز کو اب یہ دعا بھی کرنا ہوگی کہ جمعرات کو کولمبو میں بارش میچ متاثر نہ کرےکیوں کہ اگر میچ کا نتیجہ نہ آیا اور دونوں ٹیموں کو ایک ایک پوائنٹ مل گیا تو پھر نیٹ رن ریٹ پر پاکستان ٹیم فائنل کی دوڑ سے آؤٹ ہوجائےگی اور بھارت کی ٹیم کے ساتھ سری لنکا فائنل کھیلےگا۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
1 گھنٹے پہلے
بابر اعظم نے ایک اور اعزاز اپنے نام کرلیا
10 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
