19 ستمبر ، 2023 
امریکا کا ہردیپ سنگھ کے قاتلوں کو کٹہرے میں لانے کا مطالبہ
19 ستمبر ، 2023
امریکا نے سکھ رہنما ہردیپ سنگھ نجر کے قاتلوں کو کٹہرے میں لانے کا مطالبہ کردیا۔
غیر ملکی خبر رساں ادارے کے مطابق امریکی قومی سلامتی کونسل کی ترجمان نے کہا ہے کہ سکھ رہنما کے قتل سے متعلق کینیڈین وزیراعظم کے الزامات پر تشویش ہے اب اہم یہ ہے کہ کینیڈا کی تفتیش آگے بڑھے۔
امریکی قومی سلامتی کی ترجمان کے بیان پر برطانوی حکومت کے ترجمان نے ردعمل دیتے ہوئے کہا مکہ بھارت پر سنگین الزامات پر کینیڈا کے ساتھ قریبی رابطے میں ہیں۔
انہوں نے مزید کہا کہ معاملے پر کینیڈین حکام کی تحقیقات جاری ہیں لہٰذا مزید تبصرہ نامناسب ہوگا۔
واضح رہے کہ خالصتان کے حامی سکھ رہنما ہردیپ سنگھ نجر کو کینیڈا میں 18 جون کو گولیاں مار کر ہلاک کیا گیا تھا، کینیڈین وزیراعظم نے قتل میں بھارت کےملوث ہونے کا شبہ ظاہر کیا ہے جس کے بعد دونوں ممالک نے ایک دوسرے کے سفارتکار کو ملک بدر کردیا ہے جب کہ ہردیپ سنگھ کے قتل کے خلاف سکھوں نے لندن سمیت دنیا بھر میں مظاہرے بھی کیے۔
مزید خبریں :
یوکرینی صدر نے روس سے جنگ ختم کرنے کی حمایت کر دی
4 گھنٹے پہلے
جاپان کی شہزادی یوریکو 101 سال کی عمر میں چل بسیں
16 نومبر ، 2024
ڈونلڈ ٹرمپ نے کیرولین لیویٹ کو وائٹ ہاؤس کی ترجمان نامزد کردیا
16 نومبر ، 2024
