شاہد آفریدی نے اسٹیج پر بیٹھے بابر اعظم سے کس کے بارے میں پوچھا؟ ویڈیو وائرل

قومی کرکٹر شاہین آفریدی اور انشا آفریدی کی شادی کی تقریب 19 ستمبر کو کراچی میں ہوئی جس میں معروف شوبز شخصیات سمیت متعدد کرکٹرز نے شرکت کی۔

شادی کی کئی ویڈیوز اور تصاویر سامنے آئیں جس میں شاہد آفریدی سمیت شاہین کو خوشگوار موڈ میں دیکھا گیا۔

تقریب میں قومی کرکٹ ٹیم کے کپتان بابر اعظم نے بھی شرکت کی، اسی سلسلے میں ایک ویڈیو خاصی وائرل ہورہی ہے جس میں بابر اسٹیج پر آکر شاہین اور شاہد آفریدی سے بغل گیر ہوتے ہیں اور پھر تصاویر بنواتے ہیں۔

جیسے ہی بابر اعظم بیٹھتے ہیں تو ساتھ شاہد آفریدی بھی بیٹھ جاتے ہیں اور کپتان سے سوال کرتے ہیں 'رضوان نہیں آیا ساتھ؟ کہاں ہے رضوان؟'

کراچی میں شاہین آفریدی کی شادی کی تقریب، بابر نے بھی شرکت کی

شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا جس میں معروف کرکٹرز سمیت قریبی رشتے داروں نے شرکت کی تھی۔

جواب میں بابر اعظم بتاتے ہیں کہ وہ چلا گیا، جس پر شاہین کہتے ہیں کہ 'رضوان پشاور چلا گیا'۔

واضح رہے کہ شاہین آفریدی اور سابق کپتان شاہد آفریدی کی صاحبزادی انشا کا رواں برس فروری کے آغاز میں کراچی میں نکاح ہوا تھا۔

دونوں کے ولیمے کی تقریب آج 21 ستمبر کو اسلام آباد میں ہوگی۔