24 ستمبر ، 2023 
دہی کھانے کا ایک اور بہترین فائدہ دریافت
24 ستمبر ، 2023
اگر آپ کو دہی کھانا پسند ہے تو اس عادت کا ایک اور بہترین فائدہ سائنسدانوں نے دریافت کرلیا ہے۔
دہی کھانے سے سانس کی بو کو دور رکھنے میں مدد ملتی ہے۔
یہ بات امریکا میں ہونے والی ایک نئی طبی تحقیق میں سامنے آئی۔
اوہائیو اسٹیٹ یونیورسٹی کی تحقیق میں بتایا گیا کہ دہی میں موجود پروٹینز سانس کی بو خاص طور پر لہسن کھانے کے بعد پیدا ہونے والی بو کی روک تھام کرتے ہیں۔
محققین نے بتایا کہ سانس میں بس جانے والی لہسن کی بو کو دور کرنے کا مؤثر ترین طریقہ دہی کھانا ہے۔
انہوں نے بتایا کہ لہسن کے استعمال کے فوری بعد دہی کھانا اس بو کو دور کرتا ہے۔
ان کا کہنا تھا کہ دہی سے لہسن کی 99 فیصد بو کو کم کرنے میں مدد ملتی ہے۔
انہوں نے مزید بتایا کہ دہی میں پروٹین کی زیادہ مقدار کا یہ منفرد فائدہ ہے جس کا پہلے ہمیں علم نہیں تھا۔
محققین کے مطابق دہی میں موجود چکنائی اور پروٹین لہسن کے بو پیدا کرنے والے مرکبات کو ناکارہ بنانے کا کام کرتے ہیں۔
اس تحقیق کے نتائج جرنل مالیکیولز میں شائع ہوئے۔
مزید خبریں :
اچھی صحت کے لیے ہر رات کتنے گھنٹے کی نیند بہترین ہے؟
2 گھنٹے پہلے
ملک میں پولیو کا ایک اور کیس سامنے آگیا
4 گھنٹے پہلے
کینسر جیسے مرض سے بچنے کے لیے ورزش کرنے کا بہترین وقت جان لیں
06 نومبر ، 2024
کیا دودھ پینے سے وزن بڑھتا ہے؟
06 نومبر ، 2024
