04 اکتوبر ، 2023 
کور ڈرائیو کے ماہر بابر کو کس کی کور ڈرائیو پسند ہے؟ آئی سی سی نے ویڈیو جاری کردی
04 اکتوبر ، 2023
کور ڈرائیو کے ماہر پاکستان کرکٹ ٹیم کے کپتان بابر اعظم کو کس کی کور ڈرائیو پسند ہے؟ اس حوالے سے آئی سی سی نے ایک دلچسپ ویڈیو جاری کی ہے۔
انٹرنیشنل کرکٹ کونسل نے بابراعظم کے کور ڈرائیو کی ویڈیو جاری کی جس میں پاکستانی کھلاڑیوں سمیت آسٹریلیا کے بلے باز اسٹیو اسمتھ سے بہترین کور ڈرائیو کا پوچھا گیا۔
اسمتھ کے علاوہ شاداب خان، حسن علی، حارث رؤف اور امام الحق نے بابر اعظم کے کور ڈرائیو کو بہترین قرار دیا۔
اس کے علاوہ بابر اعظم سے سوال کیا گیا کہ کور ڈرائیو کا سن کر آپ کے ذہن میں پہلا خیال کیا آتا ہے؟
جواب میں بابر تھوڑا سے مسکرائے اور پھر کہا 'میں خود'۔
واضح رہے کہ پاکستان کرکٹ ٹیم اس وقت آئی سی سی ون ڈے ورلڈکپ کے لیے بھارت میں موجود ہے۔
ایونٹ کا باقاعدہ آغاز 5 اکتوبر سے ہورہا ہے جس میں دفاعی چیمپئن انگلینڈ اور نیوزی لینڈ کی ٹیمیں آپس میں ٹکرائیں گی۔
پاکستان ایونٹ میں اپنا پہلا میچ 6 اکتوبر کو نیدرلینڈز کے خلاف کھیلے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
