10 اکتوبر ، 2023 
واٹس ایپ چینل کو بنانے کا طریقہ جانیں
10 اکتوبر ، 2023
واٹس ایپ نے چینلز نامی فیچر جون 2023 میں متعارف کرایا تھا جو اس وقت چند ممالک تک محدود رکھا گیا تھا مگر ستمبر میں اسے پاکستان سمیت دنیا بھر میں صارفین کے لیے پیش کر دیا گیا۔
صارفین اپنے پسند کی شخصیات، موضوعات اور دیگر کی اپ ڈیٹس کو چینلز کے ذریعے جان سکتے ہیں۔
چینلز کے ذریعے ٹیکسٹ، فوٹو، ویڈیو، اسٹیکر اور پول وغیرہ کو بڑے پیمانے پر لوگوں سے شیئر کیا جاتا ہے۔
ابھی یہ سہولت معروف شخصیات، برانڈز اور کمپنیوں تک محدود تھی مگر اب عام صارفین بھی اپنا واٹس ایپ چینل تیار کر سکتے ہیں۔
واٹس ایپ کی جانب سے چینل تیار کرنے کا فیچر بتدریج صارفین کے لیے متعارف کرایا جا رہا ہے۔
یہ فیچر اینڈرائیڈ اور آئی او ایس صارفین کو دستیاب ہوگا اور وہ اپنے میسجز بہت زیادہ افراد کو بیک وقت بھیج سکیں گے۔
یہ فیچر کیسے استعمال کریں؟
واٹس ایپ اوپن کریں اور اپ ڈیٹس ٹیب پر کلک کریں۔
وہاں نیچے چینلز سیکشن میں پلس آئیکون پر کلک کریں، اگر یہ فیچر آپ کو دستیاب ہوگا تو وہاں Create Channel کا آپشن نظر آئے گا۔
اس آپشن پر کلک کرنے پر آپ کے سامنے چینلز فیچر سے متعلق ہدایات اور اصول آجائیں گے جن کو پڑھ کر Continue پر کلک کریں۔
اس کے بعد چینل آئیکون کا انتخاب کریں جبکہ اس کے نام اور ڈسپکرپشن کو بھی تحریر کریں۔
جب یہ عمل مکمل ہو جائے تو Create Channel پر کلک کریں۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
