14 اکتوبر ، 2023 
بابر کی بیٹنگ بہت پسند ہے، وہ سکون سے بیٹنگ کرتے ہیں: کلدیپ یادیو
14 اکتوبر ، 2023
بھارتی کرکٹ ٹیم کے اسپنر کلدیپ یادیو نے بھی پاکستان کرکٹ ٹیم کے کپتان بابر اعظم کی بیٹنگ کی تعریف کر دی۔
کلدیپ یادیو کا کہنا ہے کہ مجھے بابر اعظم کی بیٹنگ بہت پسند ہے، وہ سکون سے بیٹنگ کرتے ہیں، ان کے پاس کافی ٹائم رہتا ہے بیٹنگ کرنے کے لیے۔
بھارتی اسپن بولر نے کہا کہ میں نے دیکھا ہے کہ بابر اعظم فاسٹ بولرز کو بہت اچھا کھیلتے ہیں، وہ بیک فٹ کے بڑے شاندار پلیئر ہیں۔
انہوں نے کہا کہ بابر اعظم کی ایک کلاس ہے، اسی لیے تو انہیں فیب 5 یا فیب 4 میں شامل کیا جاتا ہے، اس میں کوئی شک نہیں وہ ایک بہترین پلیئر ہیں۔
بھارتی بولر نے مزید کہا کہ بابر اعظم کے خلاف میچ کھیلنے کے لیے بھی پُرجوش ہوں۔
واضح رہے کہ ورلڈکپ میں پاکستان اور بھارت کی ٹیمیں آج احمدآباد کے نریندر مودی اسٹیڈیم میں آمنے سامنے ہوں گی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
