14 اکتوبر ، 2023 
جرائم
تھانے کے عملے پر ڈکیتی کے ملزم کو رشوت لےکر چھوڑنے کا الزام ہے جس پر تمام اہلکاروں کو معطل کیا گیا ہے: پولیس/ فائل فوٹو
ڈکیتی کے ملزم کو رشوت لے کر چھوڑنے پر پورا تھانہ معطل
14 اکتوبر ، 2023
خوشاب میں ڈکیتی کے ملزم کو رشوت لے کر چھوڑنے پر تھانہ نوشہرہ کے پورے عملے کو معطل کردیا گیا۔
پولیس کے مطابق تھانہ نوشہرہ کا مکمل عملہ معطل کردیا گیا ہے جس میں ایس ایچ او، تفتیشی افسر، محرر اور دیگر اہلکار شامل ہیں۔
پولیس نے بتایا کہ تھانے کے عملے پر ڈکیتی کے ملزم کو رشوت لےکر چھوڑنے کا الزام ہے جس پر تمام اہلکاروں کو معطل کیا گیا ہے۔
پولیس کے مطابق ملزم کو رشوت لےکر چھوڑنے پر ایک شخص نے ڈی پی او کو اہلکاروں کےخلاف درخواست دی تھی جس پر ڈی پی او نے تحقیقات کی اور عملے کو معطل کردیا۔
