06 اپریل ، 2023 
پاکستان
بھائی کے دو، تین مہینوں میں 6 بار تبادلے کیے گئے اور ہر بار تبادلہ رکوانے کے لیے پہلے سے بڑھ کر رشوت مانگی گئی: بھائی کا بیان/ فائل فوٹو
تبادلہ رکوانے کیلئے رشوتوں سے تنگ کراچی پولیس اہلکار نےخودکشی کر لی
06 اپریل ، 2023
کراچی: صفورہ عبداللہ شاہ غازی گوٹھ میں پولیس اہلکار نعمت اللہ شیخ نےخودکشی کرلی۔
تفصیلات کے مطابق نعمت اللہ کے بھائی پولیس اہلکار سیف اللّہ نے محکمہ پولیس کے منشیوں کو بھائی کی خودکشی کا ذمہ دار قرار دیتے ہوئے کہا کہ اس کے بھائی کے دو، تین مہینوں میں 6 بار تبادلے کیے گئے اور ہربار تبادلہ رکوانے کے لیے پہلے سے بڑھ کر رشوت مانگی گئی۔
پولیس اہلکار سیف اللّہ نے مزید کہا کہ اسے بھی بھائی کی طرح منشی مافیا پریشان کررہی ہے، پہلے گلشن حدید سے میمن گوٹھ تبادلہ کیاگیا اور اب گھر سے 45 کلو میٹر دور تبادلہ کردیاگیا۔
پولیس اہلکار کے بیان کے بعد ایس پی انوسٹی گیشن کامران خان کا کہنا ہے کہ متوفی اہلکار کے بھائی کے الزامات کی تحقیقات کررہے ہیں۔
مزید خبریں :
آزاد کشمیر میں یوم حق خود ارادیت آج منایا جائے گا
4 گھنٹے پہلے
ڈی سی کرم پر حملہ کرنے والے 5 ملزمان کی شناخت ہوگئی
5 گھنٹے پہلے
