17 اکتوبر ، 2023 
سری لنکن کرکٹر دانشکا گونا پابندی سے مکمل آزاد، کرکٹ کی اجازت مل گئی
17 اکتوبر ، 2023
چند ہفتوں قبل سڈنی عدالت سے بری ہونے والے سری لنکن کرکٹر دانشکا گونا تھیلاکا سے مکمل طور پر پابندی اٹھا لی گئی۔
سری لنکا کرکٹ کے مطابق دانشکا گونا تھیلاکا نے آسٹریلیا میں ٹرائل مکمل کیا اور تمام صورتحال کا جائزہ لینے کے بعد کمیٹی نے فوری طور پر کرکٹر سے پابندی اٹھانے کی تجویز دی ۔
سری لنکن کرکٹ کے مطابق سری لنکا کرکٹ کی ایگزیکٹو کمیٹی نے تجویز کو منظور کر لیا ہے جس کے بعد دانشکا کو ہر طرح سے کھیلنے کی اجازت ہے اور وہ قومی ٹیم کی نمائندگی کے اہل ہیں۔
واضح رہے کہ سری لنکا کرکٹ نے دانشکا گونا تھیلاکا کی گرفتاری پر تحقیقات کیلئے انڈیپینڈنٹ کمیٹی تشکیل دی تھی، کرکٹر کو نومبر 2022 میں تمام فارمیٹ سے معطل کردیا گیا تھا۔
بعد ازاں نومبر 2022 میں ریپ الزام میں دانشکا گونا تھیلاکا کو گرفتار کیا گیا تاہم انہیں سڈنی کی عدالت نے بری کیا تھا۔
چار مختلف الزامات:
دانشکا گونا تھیلاکا پر ریپ کیس میں چار مختلف الزامات تھے۔
کرکٹر کے کیس میں تین الزامات کو پہلے ہی ختم کر دیا گیا تھا،دانشکا کو واحد الزام سے بھی بری کیا گیا۔
آسٹریلوی میڈیا کا بتانا تھا کہ کیس میں زبردستی اور رضامندی کے بغیر تعلق قائم کرنے اور اس دوران جھوٹ بولنے کو ثابت نہیں کیا جا سکا۔
مزید خبریں :
لیور پول نے انگلش پریمیئر لیگ کا ٹائٹل جیت لیا
3 گھنٹے پہلے
پی ایس ایل 10 کے 2 میچ ری شیڈول کر دیےگئے
4 گھنٹے پہلے
آئی پی ایل میں امپائرز کو ایک میچ کی کتنی فیس ملتی ہے؟
12 گھنٹے پہلے
پی ایس ایل 10: دو میچز کے شیڈول میں تبدیلی کا امکان
27 اپریل ، 2025
