18 اکتوبر ، 2023 
بھارت کیخلاف میچ ماضی کا حصہ، اب آسٹریلیا سے میچ پر فوکسڈ ہیں: سعود شکیل
18 اکتوبر ، 2023
قومی کرکٹ ٹیم کے مڈل آرڈر بیٹر سعود شکیل کا کہنا ہے کہ بھارت کے خلاف میچ ماضی کا حصہ ہوگیا اور اب قومی کرکٹرز نئے جذبے کے ساتھ آسٹریلیا کے خلاف میچ کیلئے فوکسڈ ہیں۔
بنگلورو میں جیو نیوز کو انٹرویو میں سعود شکیل نے کہا کہ بھارت والا میچ گزر گیا، وہ ایک برا دن تھا، اب اگلے میچ کیلئے فوکسڈ ہیں، آسٹریلیا سے جیت کر پوزیشن مستحکم کریں گے۔
انہوں نے کہا کہ ہم نے شروع میں اچھی کرکٹ کھیلی، دو میچز جیتے، بڑا میچ ہار کر مایوسی تو ہوتی ہے لیکن احمد آباد میں جو ہوا اسکو وہیں چھوڑ کر نئے حوصلے کے ساتھ بنگلورو آئے ہیں، اب یہی کوشش ہے کہ بھارت والا میچ بھول کر آسٹریلیا کے خلاف میچ پر فوکس کریں۔
سعود شکیل کا کہنا تھا کہ ورلڈکپ میں آسٹریلیا کا بھی آغاز اچھا نہیں ہوا، ان پر بھی پریشر ہوگا، ہم کوشش کریں گے کہ اپنی اسٹرینتھ کے مطابق کھیلیں۔
مڈل آرڈر بیٹر نے کہا کہ وائٹ بال کیلئے خود کو تیار کرنے کیلئے کافی محنت کی ہے، اندازہ تھا کہ کس پوزیشن پر جگہ بن سکتی اس حساب سے تیاری کی اور خواہش یہی تھی کہ وائٹ بال بھی کھیلوں اس حساب سے شاٹس کی پریکٹس کی۔
انہوں نے کہا ہدف یہی ہے کہ یہاں پر آئے ہیں تو ورلڈ کپ جیت کر جائیں، خواہش ہے کہ میچ وننگ اور متاثر کن پرفارمنس دے کر ٹیم کی جیت میں کردار ادا کریں۔
ایک سوال پر سعود شکیل نے کہا کہ بھارت کے میدانوں میں اپنا کراوڈ مس کرتے ہیں، ایک موقع پر میڈیا کو بھی مس کیا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
