اسرائیل فلسطین کشیدگی: امریکا نے سلامتی کونسل میں جنگ بندی کی قرارداد ویٹو کر دی

امریکا نے اقوام متحدہ کے سلامتی کونسل میں اسرائیل اور فلسطین کے درمیان جنگ بندی کی قرارداد ویٹو کر دی۔

غیر ملکی خبر رساں ایجنسی کے مطابق بدھ کو اقوام متحدہ کے سلامتی کونسل میں غزہ جنگ بندی کی قرارداد برازیل نے پیش کی جو کہ امریکا کے ویٹو کرنے کے بعد ناکام ہوگئی۔

برازیل کی جانب سے پیش کی گئی قرارداد میں انسانی بنیادوں پر جنگ بندی اور انسانی امداد کی ترسیل کا مطالبہ کیا گیا تھا۔

سلامتی کونسل میں جنگ بندی کی قرارداد پر 12ارکان نے حمایت میں ووٹ دیے،  ووٹنگ میں روس اوربرطانیہ غیرحاضر رہے جبکہ امریکا نے دوسری بار سلامتی کونسل میں غزہ جنگ بندی کی قرارداد کو ویٹو کیا۔

اس سے قبل گزشتہ دنوں  روس اور برازیل نے جنگ بندی کی قرارداد پیش کی تھی جو ناکام ہوگئی تھی۔

واضح رہے کہ سلامتی کونسل میں قرار داد کی منظوری کے لیے مستقل اراکین کی جانب سے ویٹو نہ ہونا بھی ضروری ہے۔

اسرائیل فلسطین جنگ بندی کیلئے سلامتی کونسل میں روس کی قرارداد ناکام

روسی قرارداد کے حق میں 5 اور مخالفت میں 4 ووٹ ڈالے گئے۔امریکا،برطانیہ،فرانس اور جاپان نے روسی قرار داد کی مخالفت میں ووٹ دیا

جوبائیڈن نے غزہ کے اسپتال پر حملے کی ذمہ داری فلسطینی گروپ پر ڈال دی، اسرائیل کی مکمل حمایت کا اعلان

واشنگٹن غزہ میں جنگ کے دوران اسرائیل کو اس کے دفاع کے لیے سب کچھ فراہم کرے گا: امریکی صدر