21 اکتوبر ، 2023 
پاکستان
پاکستان کے ساحلی علاقوں کو سمندری طوفان سے کوئی خطرہ نہیں، سمندری طوفان کا رخ عمان اور یمن کے ساحل کی جانب رہے گا: سائیکلون وارننگ سینٹر/ فائل فوٹو
بحیرہ عرب کے جنوب مغرب میں موجود ڈپریشن سمندری طوفان 'تیج' میں تبدیل
21 اکتوبر ، 2023
کراچی: بحیرہ عرب کے جنوب مغرب میں موجود ڈپریشن سمندری طوفان 'تیج' میں تبدیل ہوگیا۔
سائیکلون وارننگ سینٹر کی جانب سے بتایا گیا ہے کہ سمندری طوفان کراچی کے جنوب مغرب میں 1850 کلومیٹر اور گوادر کے جنوب اور جنوب مغرب سے1720 کلو میٹر دور ہے۔
سائیکلون وارننگ سینٹر کے مطابق سمندری طوفان 'تیج' عمان کے شہر سلالہ کے جنوب مشرق سے 960 کلو میٹر دور ہے۔
سائیکلون وارننگ سینٹر نے مزید بتایا کہ تیج شام تک شدت اختیار کرکے شدید سمندری طوفان بن سکتا ہے جس کا رخ عمان اور یمن کے ساحل کی جانب رہے گا تاہم پاکستان کے ساحلی علاقوں کو سمندری طوفان سے کوئی خطرہ نہیں۔
