24 اکتوبر ، 2023 
اسرائیل یرغمالیوں کی رہائی تک غزہ پر زمینی حملہ ملتوی کرنے کا ارادہ کرنے لگا
24 اکتوبر ، 2023
امریکی ویب سائٹ نے ایک رپورٹ میں کہا ہے کہ اسرائیل حماس کی قید سے یرغمالیوں کی رہائی تک غزہ پر زمینی چڑھائی کو ملتوی کرنے کا ارادہ رکھتا ہے۔
اسرائیلی حکام کا امریکی ویب سائٹ سے گفتگو میں کہنا تھا کہ اسرائیل اس بات پر رضامند ہے کہ یرغمالیوں کی رہائی تک غزہ میں زمینی آپریشن کچھ روز کے لیے ملتوی کر دیا جائے۔
حکام نے بتایاکہ اسرائیل اور امریکی صدر بائیڈن انتظامیہ غزہ سے یرغمالیوں کی رہائی کے لیے ہر ممکن کوشش کرنا چاہتے ہیں، اگر حماس بڑی تجاویز دیتا ہے تو اسرائیل اس پر بات کرنے کو تیار ہے۔
اسرائیل نے مصر سے بھی کہا ہے کہ حماس قیدیوں کا تبادلہ چاہتا ہے تو اسے تمام خواتین اور بچوں کو رہا کرنا ہوگا۔
خیال رہے کہ مقبوضہ فلسطین کی مزاحمتی تنظیم حماس نے 7 اکتوبر کو اسرائیل کے مختلف علاقوں میں حملے کرکے اسرائیلی فوجیوں اور سکیورٹی اہلکاروں سمیت 1400 سے زائد کو ہلاک کیا تھا اور 200 سے زیادہ اسرائیلی فوجیوں اور شہریوں کو یرغمال بنا کر غزہ لے گئے تھے۔
حماس نے اب تک 4 خواتین قیدیوں کو رہا کیا ہے جن میں 2 معمر خواتین ہیں۔
مزید خبریں :
ٹرمپ اور یوکرینی صدر گتھم گتھا، اے آئی ویڈیو وائرل
11 گھنٹے پہلے
روس کی یوکرین میں یورپی امن دستوں کی ممکنہ تعیناتی کی مخالفت
04 مارچ ، 2025
