25 اکتوبر ، 2023 
ہاردک پانڈیا مکمل فٹ نہ ہو سکے، انگلینڈ کیخلاف میچ میں بھی شرکت مشکوک
25 اکتوبر ، 2023
آئی سی سی کرکٹ ورلڈ کپ میں بنگلا دیش کیخلاف میچ کے بعد انجری کا شکار ہونے والے بھارتی کرکٹ ٹیم کے آل راؤنڈر ہاردک پانڈیا مکمل فٹ نہ ہو سکے۔
بھارتی میڈیا کے مطابق ہاردک پانڈیا ٹخنے کی انجری کا شکار ہیں جس کی وجہ سے بھارتی کرکٹ بورڈ کی مینجمنٹ کوئی خطرہ مول نہیں لینا چاہتی۔
میڈیا رپورٹس کے مطابق انجری کے باعث ہاردک پانڈیا کی انگلینڈ کے خلاف میچ میں بھی شرکت مشکوک ہے۔
بھارتی بورڈ آفیشل کا کہنا ہے کہ ہاردک پانڈیا کی انجری باعث تشویش نہیں ہے، آل راؤنڈر تیزی سے صحتیاب ہو رہے ہیں اور ٹیم مینجمنٹ ہاردک پانڈیا کو احتیاطی طور پر فوری کھلانا نہیں چاہتی۔
واضح رہے کہ ہاردک پانڈیا انجری کے باعث اتوار کو نیوزی لینڈ کے خلاف میچ نہیں کھیل سکے تھے جبکہ بھارت اور انگلینڈ کے درمیان میچ 29 اکتوبر کو شیڈولڈ ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
