26 اکتوبر ، 2023 
غزہ پر اسرائیلی جارحیت کا سلسلہ جاری، شہید فلسطینیوں کی تعداد 7 ہزار سے متجاوز
26 اکتوبر ، 2023
غزہ پر اسرائیلی جارحیت کے 20 ویں روز شہید فلسطینیوں کی تعداد 7 ہزار سے تجاوز کر گئی ہے۔
فلسطینی وزارت صحت کی جانب سے جاری بیان کے مطابق گزشتہ 24 گھنٹوں کے دوران اسرائیلی بمباری سے 481 فلسطینی شہید ہوئے۔
مجموعی طور پر اب تک 7028 فلسطینی شہید ہو چکے ہیں جن میں 2913 بچے اور 1709 خواتین شامل ہیں۔
2005 کے بعد سے اب تک غزہ کو 5 بار اسرائیلی جارحیت کا سامنا ہوا ہے اور اس بار ہونے والی شہادتیں گزشتہ 18 سال میں سب سے زیادہ ہیں۔
فلسطینی وزارت صحت نے بتایا کہ اسرائیلی بمباری سے زخمی ہونے والے شہریوں کی تعداد 20 ہزار سے تجاوز کر گئی ہے۔
بیان میں مزید بتایا گیا کہ اسرائیلی بمباری کے باعث 940 بچوں سمیت 1650 فلسطینی لاپتا ہیں۔
بیان کے مطابق امکان ہے کہ لاپتا افراد تباہ شدہ عمارتوں کےملبے تلےدبے ہوئے ہیں۔
فلسطینی وزارت صحت کا کہنا تھا کہ اسرائیلی جارحیت سے اب تک 12 اسپتال اور 57 طبی مراکز مکمل طور پر ناقابل استعمال ہوچکے ہیں۔
مزید خبریں :
ٹرمپ کے صدر بننے سے امریکا میں مقیم بھارتی پریشان
12 گھنٹے پہلے
ٹیکساس سے علی شیخانی کانسٹیبل منتخب، کردارکیا ہوگا؟
09 نومبر ، 2024
لندن: 10 سالہ سارہ شریف کے والد نے بیٹی کے قتل کا اعتراف کرلیا
13 نومبر ، 2024
بھارتی سپریم کورٹ نے 'بلڈوزر جسٹس' کے خلاف فیصلہ سنا دیا
13 نومبر ، 2024
