پاکستان میں ہونیوالی آئی سی سی چیمپئنز ٹرافی 2025 میں کونسی 3 ٹیمیں نہیں ہونگی؟

انٹرنیشنل کرکٹ کونسل نے آئی سی سی چیمپئنز ٹرافی 2025 کے کوالیفائنگ سسٹم کا اعلان کر دیا ہے۔

آئی سی سی کے مطابق بھارت میں جاری ون ڈے ورلڈ کپ کے لیگ مرحلے کے اختتام پر ٹاپ 7 ٹیمیں چیمپئنز ٹرافی 2025 کیلئے کوالیفائی کر سکیں گی جبکہ پاکستان میزبان ہونے کے ناطے آٹھویں ٹیم ہوگی۔

پاکستان میں ہونے والی 2025 چیمپئنز ٹرافی میں ویسٹ انڈیز، زمبابوے اور آئرلینڈ کی ٹیمیں شامل نہیں ہوں گی۔

ویسٹ انڈیز، زمبابوے اور آئرلینڈ کو 2023 کے ون ڈے ورلڈ کپ میں جگہ نہ بنانے کی وجہ سے  آئی سی سی چیمپئنز ٹرافی ٹورنامنٹ کے لیے کوالیفائی کرنے کا موقع نہیں مل سکے گا۔

2025 کی چیمپئنز ٹرافی میں بھارتی ٹیم کا دورہ پاکستان چیلنجنگ ہے: آئی سی سی

اس معاملے میں آئی سی سی کچھ نہیں کرسکتی ، پاکستان اور بھارت کئی عرصے سے دو طرفہ دورے نہیں کررہے: چیئرمین آئی سی سی

آئی سی سی بورڈ اجلاس نے 2021 میں 10 سالہ سائیکل کی منظوری دی تھی، منعقدہ سائیکل میں مردوں کے 8 عالمی ٹورنامنٹ شامل ہیں۔

واضح رہے کہ آئی سی سی چیمپئنز ٹرافی 2025  کی میزبانی پاکستان کے پاس ہے۔