چیئرمین پی ٹی آئی نے بتایا ہے کہ انہیں سلو پوائزن دیا جارہا ہے: وکیل پی ٹی آئی

چیئرمین پی ٹی آئی کے وکیل آفتاب باجوہ نے کہا ہے کہ چیئرمین پاکستان تحریک انصاف (پی ٹی آئی) نے بتایا ہے کہ انہیں سلو پوائزن دیا جارہا ہے۔

انہوں نے کہا کہ چیئرمین پی ٹی آئی نے انہیں بتایا ہے کہ انہیں سابق وزیراعظم والی سہولتیں بھی نہیں دی جا رہیں، انہیں گھر کا کھانا نہیں دیا جاتا۔

میڈیا سے بات چیت کے دوران وکیل پی ٹی آئی آفتاب باجوہ  نے مطالبہ کیا کہ ڈاکٹروں کی ٹیم پی ٹی آئی چیئرمین کا معائنہ کرے۔

سائفر کیس: ایف آئی اے نے مزید 5 گواہ پیش کردیے، بیانات ریکارڈ نہ ہوسکے

راولپنڈی کی اڈیالہ جیل میں سائفر سے متعلق کیس کی سماعت خصوصی عدالت کے جج ابوالحسنات ذوالقرنین نےکی

ادھر اڈیالہ جیل میں سائفر کیس کی سماعت کے موقع پر گواہوں کے بیانات ریکارڈ کروانے کیلئے ایف آئی اے ٹیم نے مزید 5 گواہوں کو پیش کردیا۔

سائفر کیس کی مزید سماعت 7 نومبر تک ملتوی کردی گئی، آئندہ سماعت پر جرح اور گواہان کے تفصیلی بیانات قلمبند کئے جائیں گے۔

چیئرمین پی ٹی آئی سے اڈیالہ جیل میں بہنوں اور اہلیہ کی ملاقات کرائی گئی، جیل انتظامیہ نے ملاقات کیلئے منگل اور جمعرات کے دن مقرر کر رکھے ہیں۔