01 نومبر ، 2023 
وزارت مذہبی امور سے ادائیگی، پی آئی اے کی مشکلات میں کمی، پروازوں کی منسوخی بھی کم
01 نومبر ، 2023
وزارت مذہبی امور کی جانب سے پی آئی اے کو 50 کروڑ روپے سے زائد کی ادائیگی کردی گئی جس کے بعد قومی ائیرلائن کی پروازوں کی منسوخی میں کمی دیکھنے میں آرہی ہے۔
حکام کے مطابق وزارت مذہبی امور کی جانب سے قومی ائیرلائن کو 50 کروڑ روپے سے زائد کی رقم موصول ہوچکی ہے۔
ترجمان پی آئی اے کا کہنا ہے کہ پی آئی اے نے مزید 50 کروڑ روپے ایندھن کی مد میں پی ایس او کو ادا کردیے ہیں جس کے بعد قومی ائیرلائن کا فلائٹ آپریشن کل سے 100 فیصد بحال ہوجائے گا۔
دوسری جانب اسلام آباد سے گلگت کی 4 پروازیں 2 دن جاری رہنے کے بعد آج یکم نومبر کو پھر بند کردی گئیں جب کہ مجموعی طور پر 19 پروازیں منسوخ ہیں۔
اسلام آباد گلگت کی پرواز پی کے 601، 602، 605، 606، دبئی 233، سکھر 631، 632، کراچی 368، 369 منسوخ کردی گئی ہیں جب کہ لاہور جدہ پی کے 959، کراچی 303، شارجہ 186، شارجہ پشاور پی کے 258، ملتان کراچی پی کے 330، 331، جدہ 840، کراچی سکھر پی کے 536، 537 اور دبئی فیصل آباد پی کے 224 منسوخ کردی گئی ہیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
